每到秋天，好多香港朋友會搵短線賞秋，唔想飛遠，又想同時擁有絕美秋景、歷史古蹟同大自然奇觀。今次去到湖南寧遠，桂陽嘅金黃銀杏火紅楓林、九嶷山舜帝皇陵，仲有傳說級嘅紫霞巖溶洞，三個寶藏景點，徹底改變我對湘南嘅印象。
🍁桂陽銀杏林/紅楓林｜屬於秋天嘅童話畫面
講到湖南秋景，好多人只識得張家界，其實桂陽先係低調寶藏賞葉地。
11月上旬至12月上旬就睇銀杏，成片樹林全部換上金黃外衣，大風一吹，銀杏葉漫天飄落，地下鋪滿厚厚一層金色落葉，行落去沙沙作響，隨便企低影相，都有濃濃秋日氛圍，淺色衫出片效果一流。
去到12月中旬之後，就輪到紅楓林登場，成座山林染成熾熱火紅，層林盡染，望過去一片紅彤彤，秋意澎湃。
📜九嶷山舜帝皇陵｜穿越四千年嘅尋根之旅
睇完浪漫秋景，轉場去到九嶷山腳下嘅舜帝皇陵，呢度係華夏德孝文化嘅源頭，《史記》都有記載「舜葬蒼梧之野」，係華人尋根嘅聖地。
走入陵區，廣場上面雄偉嘅龍鳳柱、古柏參天，環境安靜肅穆。行過碑廊，見到留存嘅古代祭文石碑，一步一步走進舜帝大廟，靜靜感受四千年前舜帝勤政愛民嘅故事，唔係單純打卡，內心會有一份難得嘅平靜同敬意。
好多香港長者朋友來到呢度，都會虔誠祈福，感受源遠流長嘅舜德文化。園區路面平整，步行難度唔高，適合慢慢遊覽，感受歷史氛圍。
🕳️紫霞巖｜藏於山中嘅地下仙宮，仲有溶洞實景戲劇
離開舜帝皇陵唔遠，就來到大名鼎鼎嘅紫霞巖，古時叫做重華巖，連徐霞客都專程過來，仲係岩洞留宿四日，大為讚嘆。
一踏入溶洞，溫度即刻降幾度，記得帶多件薄外套！億萬年時間雕琢出各式各樣鐘乳石、石筍，五彩燈光打落奇石同地下暗河之上，「九曲黃河」地下河場景如夢似幻，彷彿闖入另一個奇幻世界。
最驚喜係溶洞入面嘅沉浸式實景表演《二妃尋夫》，娥皇女英千里尋舜嘅千古故事，直接喺天然岩洞之中上演，煙霧、燈光配合演員演出，現場觀感相當震撼，將傳說活靈活現呈現眼前，唔係普通睇石頭咁簡單，睇完印象好深刻。
溶洞地面會比較濕滑，一定要穿防滑嘅鞋，遊覽時間大約一個半鐘頭。
✨總結感受
一趟旅程，可以睇到桂陽絢爛秋葉嘅自然浪漫，感受舜帝皇陵嘅千年人文底蘊，再探秘紫霞巖嘅地下溶洞奇景，風景同文化兼備。
如果係香港出發嘅短線團，兩晚住同一酒店唔使搬行李，全程純玩無購物，食地道湘南宴席，對於我哋港澳遊客，無論係同朋友出行、一家大細或者長者遊，都非常適合。
💡小Tips
1. 秋景睇天氣，樹葉顏色會隨氣溫轉變，以現場實況為準
2. 溶洞溫度偏低，山區早晚涼，必備薄外套
3. 景區步行比較多，舒適防滑鞋係必需品
（以上資訊僅作為參考，請以當地實際情況為準）
相關行程推介：
團號：BHN078
團名：秋季限定：桂陽銀杏林/桂陽紅楓林 “洞天仙景”紫霞岩 “小鳳凰古城"文廟古街兩晚連住同一酒店3天
出發日期：11月26日至12月21日，逢星期一、三、六出發
